განახლებული „ალექსანდრე ალადაშვილის სახელობის კლინიკა“ არის მრავალპროფილური სამედიცინო დაწესებულება, რომელიც ქალაქის ისტორიულ-კულტურული ძეგლების ნუსხაშია შეტანილი. კლინიკის ისტორია 1880 წლიდან იწყება. თავდაპირველად, საავადმყოფო 30 საწოლზე იყო გაშლილი. მოგვიანებით, საწოლების რიცხვი 55-მდე გაიზარდა, ხოლო 1920 წელს კლინიკა გაფართოვდა და საწოლების რაოდენობამ 120-ს მიაღწია.
1921 წლის 30 ივნისს თბილისის სახელმწიფო უნივერსიტეტის პროფესორთა საბჭოს დადგენილებით ალექსანდრეს საავადმყოფოს ბაზაზე დაარსდა სამკურნალო ფაკულტეტის თერაპიის კათედრა, რომელსაც სათავეში ჩაუდგა პროფესორი ალექსანდრე ალადაშვილი.
1941 წლიდან თბილისის სახელმწიფო სამედიცინო უნივერსიტეტის სამკურნალო ფაკულტეტის ზოგადი ქირურგიის კათედრა განთავსდა თბილისის ქალაქის საბჭოს აღმასკომის ჯანმრთელობის დაცვის განყოფილების II საავადმყოფოს ქირურგიული განყოფილების ბაზაზე და მას ხელმძღვანელობდა პროფესორი ეფრემ ზაქარაია (1940-1947); შემდგომ – პროფესორი დავით იოსელიანი (1047-1967), პროფესორი მიხეილ ჩაჩავა (1967-1979), პროფესორი გიორგი (გოგი) ბოჭორიშვილი (1979-1981), პროფესორი გივი გონჯილაშვილი (1981-1999); 2009 წლიდან ზოგადი ქირურგიის მიმართულების ხელმძღვანელი არის სრული პროფესორი თამაზ ჩხიკვაძე, რომელიც ამავე დროს კლინიკის კლინიკური დირექტორია.
თითქმის 150 წლიანი ისტორიის მქონე კლინიკას, რომლის ბაზაზეც ექიმთა არა ერთი შესანიშნავი თაობა აღზრდილა, 2013-2015 წლებში ჩაუტარდა სრული სარემონტო-სარესტავრაციო სამუშაოები და აღიჭურვა პროგრესული, ულტრათანამედროვე აპარატურით. განახლებული კლინიკა 2015 წლის 17 ნოემბერს ოფიციალურად გაიხსნა.
„ალექსანდრე ალადაშვილის სახელობის კლინიკა“ არის უძველესი ტრადიციებისა და ინოვაციური იდეების მქონე კლინიკა. ამიტომაც, ჩვენი სლოგანია: „ტრადიციიდან ინოვაციისაკენ“.
საქმიანობის ყოველ ნაბიჯზე, ვცდილობთ შევქმნათ პაციენტის საჭიროებების, მოთხოვნებისა და მოლოდინების შესაბამისი სამედიცინო მომსახურება.
ჩვენ გვაქვს აკადემიური ღირებულებები, ამიტომაც სამედიცინო პერსონალი და თანამშრომლები მუდმივად არიან ორიენტირებული პროფესიულ განვითარებასა და კვალიფიკაციის ამაღლებაზე.
ჩვენ ვმუშაობთ კანონების, რეგულაციებისა და პროფესიული ეთიკის პრინციპების შესაბამისად, პაციენტის უსაფრთხოება ჩვენი პრიორიტეტია. ბოლო ორი წლის განმავლობაში, ჩვენ შევქმენით ინფრასტრუქტურა, რომელიც პაციენტების ჯანმრთელობასა და კეთილდღეობაზე სრულფასოვნად ზრუნვაში გვეხმარება.
გარდა ამისა, ვცდილობთ შევქმნათ ექიმების, ექთნების, ტექნიკოსებისა და პაციენტების თანამშრომლობის კოორდინირებული, ინტეგრირებული სისტემა, რომელიც ორიენტირებულია პაციენტებისთვის კომფორტის შექმანსა და უმაღლესი ხარისხის მომსახურების მიწოდებაზე, რათა გვყავდეს რაც შეიძლება ბევრი კმაყოფილი და ჯანმრთელი პაციენტი.
განახლებული „ალექსანდრე ალადაშვილის სახელობის კლინიკა“ არის მრავალპროფილური სამედიცინო დაწესებულება, რომელიც ქალაქის ისტორიულ-კულტურული ძეგლების ნუსხაშია შეტანილი.
იხილეთ ვრცლად
