Georgianenglishrussian

ფილტვის ქრონიკული ობსტრუქციული დაავადება

ფილტვის ქრონიკული ობსტრუქციული დაავადება

ფილტვის ქრონიკული ობსტრუქციული დაავადების დიაგნოსტირება და მკურნალობა.

გაინტერესებთ როგორ უნდა იმკურნალოთ ფილტვის ქრონიკული ობსტრუქციული დაავადება? რა პრევენცია არსებობს მისი თავიდან ასაცილებლად? ამ თემაზე დაწვრილებით გვესაუბრება ალექსანდრე ალადაშვილის სახელობის კლინიკის ექიმი რადიოლოგი ქალბატონი რიტა ვაშაყმაძე.

– რა არის ფილტვის ქრონიკული ობსტრუქციული დაავადება (ფქოდ-ი )?
ფილტვის ქრონიკული ობსტრუქციული დაავადება მსოფლიოში ავადობის ერთერთი წამყვანი მიზეზია და იკავებს სიკვდილიანობის მხრივ მე-4 ადგილს და სამწუხაროდ ახასიათებს მატების ტენდენცია.
ეს არის ქრონიკული ფილტვის პროგრესირებადი დაზიანება , რომლისთვისაც დამახასიათებელია მცირე კალიბრის სასუნთქი გზების ობსტრუქცია (ბრონქიოლიტი) პარენქიმის დაზიანება (ეფიზემა), პათოლოგიური ცვლილებები პულმონალურ სისხლძარღვებში.
ალვეოლური ერთეულის შემცირება მათი ელასტიურობის დაქვეითება იწვევს ამოსუნთქვის პროცესში სასუნთქი გზების ღიად დარჩენის უუნარობას და მათ კოლაფს,რომელიც მძიმე ფორმების დროს შეუქცევადია.

ფქოდ-ის რისკ ფაქტორებს მიეკუთვება :

  • თამბაქოს მოწევა (30% )
  • ბავშვთა პასიური მწვეველობა
  • პროფესიული მავნე ნივთიერებები (გაჯი, კადმიუმი)
  • ინფექციები (ადენოვირუსი)
  • გენეტიკური ფაქტორი α1 ანტიტრიფსინის დეფიციტი
  • ანამეზში ასთმა (12-ჯერ მეტი რისკი ფქოდ-ის განვითარების)

იგი გვხვდება 40 წლის ზემოთ პაციანცებში,მამაკაცებში მეტი ინსიდენსობით ,თუმცა ჩემი პრაქტიკული გამოცდილების ფარგლებში ქალბატონების მომართვიანობა ფქოდ-ის დიაგნოზით გაიზარდა.

ფქოდ-ის გართულებას წარმოადგენს:

  • პნევმონია (30%)
  • სეფსისი
  • მარჯვენა პარკუჭის უკმარისობა (ფილტვისმიერი გული 10%)
  • ფილტვის კიბო

– როგორია დიაგნოსტიკა?
კლინიკური დიაგნოზისთვის ყველა პაციენტს რომლბსაც აღენიშნებათ ქოშინი , ქრონიკული ხველა, ანამნეზში აქვს ფქოდ-ის განვითარების რისკ ფაქტორები უნდა ჩაუტარდეს:

  • სპირომეტრია, რომელიც დიაგნოზისთვის და შემდგომი მონიტორინგისთვის ოქროს სტანდარტად ითვლება.მისი საშუალებით ხდება დაავადების სტადირება რაც მნიშვნელოვანია მკურნალობის ტაქტიკისთვის.

ჩვენს კლინიკაში აღნიშული კვლევა ხელმისაწვდომია .

  • ასევე რუტინულად ტარდება გულმკერდის რენტგენოგრაფია.

ჩემთან მოსულ პაციენტებს , რომლებსაც აღენიშნებათ ფქოდ-ის არაპირდაპირი რენტგენოლოგიური ნიშნები (ემფიზემატოური ფილტვები,დიაფრაგმის თაღების დაწევა,ფილტვის სურათის ფიჭისებური დეფორმაცია,ნეკნების ჰორიზონტალური დგომა)რეკომენდაცია ეძლევა სპეციალისტთან კონსულტაციისთვის.

  • სკრინინგი ალფა -1 ანტიტრიფსინის დეფიციტზე.
  • პაციენტის საკუთარი მდგომარეობის აღწერის მიზნით იყენებენ ვიზუალური ანალოგის შკალას BODE-ს ქულების დაჯამების მიხედვით (Body mass index – სხეულის მასის ინდექსი, Obstruction– ობსტრუქცია, Dyspnea–ქოშინი და Exercise – ფიზიკური დატვირთვა)

– რა სიმპტომებით ვლინდება ფქოდი?

  • სუნთქვის გაძნელება, ქოშინი
  • პერიოდულად მოხრჩობის შეტევები
  • ხველა ნახველის გამოყოფით
  • ხმაურიანი სუნთქვა (მსტვენავი ფილტვი)

როგორც ყველა ქრონიკული დაავადება ფქოდ-ს ახასიათებს გამწვავების და რემისიის პერიოდების მონაცვლეობა.
გამწვავების დროს პაციენტს აღენიშნება ასთმური შეტევა.
დაავდების ადრეულ სტადიაზე ,სიმპტომები იშვიათია, გამწვავებას იწვევს ვირუსული ინფექციები ,რომელიც ადვილად ემორჩილება მკურნალობას.

შორწასულ შემთხვევებში ვითარდება ფილტვ - გულის უკმარისობა (ქოშინი, სუნთქვის უკმარისობა , ფიზიკური დატვირთვის დროს ან მოსვენებულ მდგომარეობისას)
ფილტვის დაავადებათა შესახებ ნაკლები ინფორმაციის გამო პაციენტები გვიან მიმართავენ ექიმს ,როდესაც უკვე სახეზეა ექსტრაპულმონალური გართულებები.

– როგორია მკურნალობა?
ფქოდ-ის მართვის გეგმა მოიცავს ოთხ კომპონენტს:

  1. დაავადების შეფასებას და მონიტორინგს
  2. რისკ-ფაქტორების შემცირებას
  3. სტაბილური ფქოდ-ის მართვას
  4. გამწვავების მართვას

I და II სტადიის (მსუბუქი და საშუალო სიმძიმის ) დროს უნდა მოხდეს რისკ-ფაქტორების შემცირება (ნიკოტინის ჩანაცვლებითი თერაპია ) დაავადების პროგრესირების შემცირების მიზნით.სიმპტომურად ხანმოკლე მოქმედების ბრონქოდილატატორები.
III- IV სტადიის დროს იყენებენ ფარმაკოთერაპიას (ბრონქოდილატატორები, ანტიქოლინერგული საშუალებები, კომბინირებული ბრონქოდილატაციური თერაპია, გლუკოკორტიკოსტეროიდები, ანტიბიოტიკები, მუკოლიზური საშუალებები)

– რა პრევენცია არსებობს ?
განსხვავებით სხვა დაავადებისგან ფქოდ-ის კონკრეტული მიზეზი ცნობილია
ამიტომ პრევენციის საუკეთესო საშუალებაა თამბაქოს არ მოწევა.
პაციენტთა უმრავლესობისთვის თამბაქოს მოწევისთვის თავის დანებება წარმოადგენს ერთერთ ყველაზე ეფექტურ ინტერვენციას ფქოდ-ის განვითარების რისკის ,მისი პროგრესირების და მძიმე გართულებების თავიდან აცილების თვალსაზრისით.

– რას ურჩევთ მკითხველს?
დროული მიმართვიანობა სპეციალისტთან, სწორი დიაგნოზი, დაავადების სათანადო მართვა ეს ის ჯაჭვური რგოლია რომელიც ხანგრძლივად შეგინარჩუნებთ ჯანმრთელობას.
გახსოვდეთ ფქოდ-ის დიაგნოზთან ერთად „თანაცხოვრება ‘’ შესაძლებელია ექიმის დანიშნულების სათანადო შესრულებით .

თქვენთვის საინტერესო საკითხის შესახებ კონსულტაციის მისაღებად ან პროფილაქტიკური გასინჯვისთვის შეგიძლიათ,დაუკავშირდეთკლინიკის ქოლცენტრსნომერზე: (03)2 2 95 80 14, ყოველ სამუშაო დღეს (შაბათ-კვირის გარდა) 09:30 სთ.-დან 18:00 სთ.-მდე. მისამართი: დიმიტრი უზნაძის 103.

გისურვებთ ჯანმრთელობას!

<p>მეიდან ჯგუფი უძრავი ქონების, მართვის და განვითარების კომპანია.</p>

ტეგები

ტეგები
<p>აღმოსავლეთ-დასავლეთ სასწავლო უნივერსიტეტი</p>